't Optochtkomité Pej maaktj bekèndj 2019

’t Aafhaole vanne nummers väör de groate optoch vuntj plaats bie Café ’t Slekkerhoes op zóndig 3 mieërt óm 17:11 oer. G’r wètj det van te väöre ingesjreve mót waere. Dit kan gebäöre middels ‘n formulier det verkriegbaar is bie de leje van ‘t Optochcomité of det g’r kóntj downloade onger menu optie 'Insjrieve'.

Dit formulier mót twieë (2) waeke väör d’n optoch ingeleverdj zeen bie ein van de leje van ‘t Optochcomité. Oze väörkäör geitj oet nao digitale insjrieving per e-mail.

G’r krig noa insjrieving via email van ’t Optochtkomité een berich trök, det g’r mot mitnumme bie ’t aafhaole van ’t nummer. Aan de handj van eur insjrieving krigtj g’r ‘n volgnummer inne optoch, zoadet jekerein drek wètj wo d’r mót gaon staon.

Höb g’r interesse óm aan de optoch deil te numme mit reclamewage(s), of wiltj g’r d’n optoch gaer sponsere, num den estebleef contact op mit oze secretaris, Broer Vergoossen.

't Optochtkomité